بصراحه أتفاجأت لاكن والله مشكوورين ياأصحاب أحلى منتدى

عسى مازعلتك البارح وزودت الجراح جراح
عسى مامرت الدمعه على أهدابك من اسبابي
جــرحتك من كثر شوقي وخليت الكلام رماح
ولاأدري شلون ياعمري طعنتك حيل بعتابــي
بدون شعور صدقني ترى كثر الغلا ذبــــــاح
تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله هيا اهدابي
غيابك يشغل عيوني زوايا ويمتلي أشباح
وناأنثر صوتك بقلب المكان وأشعل ابوابي
تلفت للأمل دام الرجا في عمري المنواح
اناديلك ولوشرهة وصولك تقطع أعصابي
أبيك للجاي من عمري انا ماأبيك شئ وراح
مدامك أجمل وأخر مدامك أول أحبابي
أبي أرتاح ياعمري أنا أدري هم تبي ترتاح
تعال وقبل ماأفرح ترى تفرحبك ثيابي
أحبك يابعد عمر الحزن والجرح والأفراح
أحبك كثر مانامت عيونك داخل اهدابك