يالله خلونا نشوف وش قاعدين يسوون في الملعب
::
::
::
::
::
هلالية ونصراوية يتهاوشون
النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟
وترد الهلالية: وع عليكم و لاعبينكم قواطي الببسي مالت عليهم ... ماعندكم صاحي إلا سيزار وبدا يخرب بعد .. بعدين لو فيك خير ما لبستي عباية كتف
================
أم تهاوش بنتها المراهقة : وجع إن شاء الله تغطي.. شوفي هذاك
من اليوم يناظرك .. ترى والله لأعلم أبوك عليك >>> في الملعب
=================
وحدة عربجية تصايح: يا حارثي يالنذل .. لا تكسّر سامي حسبي الله عليك
يعلك للماحي الي يمحاك من الملعب ولا يردك الى اهلك
========================
وحده تبكي وقلبها متقطع وأختها تقول : خلاص يا بنت الحلال .. قسم
بالله ياسر القحطاني إصابته بسيطة ؟ .. شوفيه بيرجع للملعب مرة ثانية
========================
وحدة دلوعة تقول للى جنبها : لو سمحتي معك كريم واقي من
الشمس ؟؟مالقيت كريمي!! يازين الدلع
========================
وحدة فاضية تسئل اللى حولها : ما شفتوا عدستي الرمادية؟
طاحت الله ياخذها
ههههههههههه الناس وين وهي وين لا حول ولا قوه الى بالله
=======================
وحدة ثانية فاضية: من يعرف طريقة محشي ورق العنب؟ عجزت أضبطه
عمرك ماتعرفينه
======================
وهاذي وحده تزعّق من الهجمة اللي ضاعت واللي وراها ناشبة بحلقها
لو سمحتي وش اسم عطرك؟؟؟؟؟
طرااااخ صوت كف متعوب عليه ههه هههه هههه
======================
هذولي ثنتين: هلالية ونصراوية يتضاربون النصراويه تصايح
آي آي كسرتي ظفري الله ياخذ عمرك يالشينه
=====================
وحدة بريئة نيتها حلوة: يا حبي لك يا شلهوب ياصغيرون ياحليله... ؟؟؟؟؟
=====================
وحدة ما تدري وين المباراة معه: أحلى على الطول يا مفرج !!
=====================
وحدة تراقب الفاول ويدها على قلبها واللي جنبها تقول
البارح رحت العقارية .. بس ما لقيت شي حلو الله يقطعهم ... عبايتك مشتريتها من
سيدتي الجميلة ؟؟؟؟؟؟؟ والثانية معطيتها أشكل
====================
وحدة مسوية نفسها فاهمة : يامدرب الهلال .. طلع الصويلح
ودخل بداله كماتشو (كماتشو يلعب من البداية ) وقدّم محمد الدعيع قدام
ونزّل أبو يعقوب الله يقلعك
موضوع: تخيلوا معاي مشجعات النصر والهلال 
الأربعاء أكتوبر 10, 2007 5:35 am
